අක්‍රිය, ව්‍යායාම්-අඩු ජීවන රටාව යනු කුමක්ද

පුටුවක් මත තැබූ අල ගෙඩියක් බඳු වීම, ව්‍යායාම් නොකිරීම, එක ස්ථානයක වාඩිවී ගතකරන හෝ අඩු ක්‍රියාකාරී ජීවන රටාවක්. ඔබ මෙවැනි දෑ කලින් අසා ඇති, මේ සියල්ලේම අර්ථය, එකදිගට වාඩිවී හෝ සෝපාවක් වැනි යමක් මත වැතිර නැතිනම් දිගාවී, ව්‍යායාම් හා ශාරීරික ක්‍රියාකාරකම් අඩු හෝ කොහෙත්ම නැති ජීවන රටාවක්.

ලෝකය පුරාම මිනිසුන් එක ස්ථානයක වාඩිවී කරන ක්‍රියාකාරකම් වලට සීමා වීම හෝ, යොමු වී කාලය ගත කිරීම, ක්‍රමක් ක්‍රමයෙන් වැඩි වෙමින් ඇත. අපගේ විවේක කාලයන්හිදී, අප නිතරම කාලය ගත කරන්නේ වාඩිවී: පරිගණකයක් හෝ වෙනත් උපකරණයක් ක්‍රියාත්මක කරමින්, රූපවාහිනී නරඹමින් එහෙමත් නැත්නම් වීඩියෝ ක්‍රිඩාවක් කරමිනුයි. රැකියා වලින් වැඩි ප්‍රමාණයක් එක ස්ථානයක, දවසේ දිගු කාලයක් මේසයක් අසල වාඩිවී කරන රැකියා බවට පත් වී ඇත. ඒ වගේම මහමඟ ගමන් කිරීමේදීත් අප වැඩි දෙනෙකු සිටින්නේ මෝටර් රථයක, බසයක හෝ දුම්රියක අසුන් ගෙනය.

අක්‍රිය, ව්‍යායාම්-අඩු ජීවන රටාව ඔබේ ශරීරයට බලපාන අන්දම:

1. ඔබ අඩුවෙන් ශක්තිය (කැලරි) දහනය කරයි, එය ඔබගේ බර වැඩිවී තරබාරු වීමට මඟ පාදයි.
2. ඔබ මස්පිඩු අඩුවෙන් පාවිච්චි කරන නිසා ඒවායේ ශක්තිය හා දරාගැනීමේ හැකියාව අඩු වී යයි.
3. ඔබගේ ඇටකටු දුර්වල වන අතර ඇටකටුවල සමහර ඛනිජ වර්ග ක්ෂය වෙයි.
4. ඔබගේ පරිවෘත්තියට (අහාර ජීරණ ක්‍රියාවලියට) හානිදායක බලපෑම් ඇතිවිය හැක. ඔබගේ සිරුරට මේදය සහ සීනි ජීරණය කිරීමට අපහසු විය හැකිය.
5. ඔබගේ ප්‍රතිශක්තිකරණ පද්ධතිය නිසිලෙස ක්‍රියාත්මක නොවිය හැකිය.
6. ඔබගේ ශරීරයේ රුධිර සංසරණ පද්ධතිය නිසිලෙස ක්‍රියාත්මක නොවිය හැකිය.
7. ඔබගේ ශරීරයේ ප්‍රදාහයන් ඇත්නම් ඒවා වැඩි විය හැක.
8. ඔබගේ සිරුර තුල හෝමෝන අසමතුලිතා ඇති විය හැකිය.

අක්‍රිය, ව්‍යායාම්-අඩු ජීවන රටාවේ සෞඛ්‍යය අවදානම කුමක්ද

අක්‍රිය, ව්‍යායාම්-අඩු ජීවන රටාව බොහෝ නිදන්ගත රෝග වලට හේතුවක් විය හැකිය. දිනපතා ව්‍යායාම් නොකිරීම නිසා, ඔබේ සෞඛ්‍යය අවදානම වැඩිවීමෙන්,

1. තරබාරුකම
2. හෘදරෝග, ධමනි රෝග සහ හෘදයාබාධ
3. අඩු රුධිර පීඩනය
4. කොලෙස්ටෙරෝල් වැඩිවීම
5. අංශබාගය
6. පරිවෘත්තියට (අහාර ජීරණ ක්‍රියාවලියට) සම්බන්ධ රෝග
7. දෙවන වර්ගයේ දියවැඩියාව (type 2 Diabetes)
8. සමහර පිළිකා වර්ග, මහ බඩ වැල් වල පිළිකාද ඇතුලුව ගර්භාෂ, සහ ලය පිළිකා
9. ඔස්ටියෝපොරෝසිස්
10. සාංකාව සහ ආතතිය

අක්‍රිය, ව්‍යායාම්-අඩු ජීවන රටාව හා එක ස්ථානයක වාඩිවී කරන ක්‍රියාකාරකම් වලට සීමා වීම අඩු වයසින් මරණයට පත් වීමේ අවදානමද වැඩිකරයි. එමෙන් ඔබ එක ස්ථානයක වාඩිවී කරන ක්‍රියාකාරකම් වලට යොමු වීම වැඩිවන තරමට සෞඛ්‍යය අවදානමද ඉහල යයි.

 

ඔබ ව්‍යායාම් කිරීම ආරම්භ කරන්නේ කෙසේද

ඔබේ ශාරීරික ක්‍රියාකාරිත්වය අඩු නම්, ඔබ ව්‍යායාම් කිරීම ආරම්භ කිරීම කල යුත්තේ ක්‍රමාණුකූලවය. අනතුරුව ක්‍රමක් ක්‍රමයෙන් නව ව්‍යායාම් එකතු කල හැක. නමුත් ශරීරයට අධික අපහසුතාවක් දැනෙන අන්දමට ව්‍යායාම් කිරීමට උත්සාහ නොකර ඔබට කල හැකි යමක් කරන්න. කිසිම ව්‍යායාමයක් නොකර සිටීමට වඩා කුමන හෝ ව්‍යායාමයක් කිරීම හොඳය. අවසානයේදී ඔබගේ වයසට හා සෞඛ්‍යයට අනුමත ප්‍රමාණයට ව්‍යායාම් කල හැකි ඉලක්කයට ලඟා විය හැක.

ව්‍යායාම් කල හැකි ක්‍රම ගණනාවක් තිබේ. ඔබට වඩාත් ගැලපෙන ව්‍යායාම් ක්‍රමය හෝ වර්ගය සොයා ගැනීම ඉතාම වැදගත් වේ. එමෙන්ම ඔබගේ නිවසේ හා රැකියා ස්ථානයේ දී ශාරීරික ක්‍රියාකරකම් වැඩිවන පරිදි, දෛනික කාලසටහන වෙනස් කර ගත හැකිය.

 

නිවසේදී ඔබ වඩා ක්‍රියාකාරීව සිටින්නේ කෙසේද

නිවසේදී ක්‍රියාකාරීව සිටීමට ක්‍රම ගණනාවක් තිබේ.

1. ගෙදර එදිනෙදා වැඩ කටයුතු, ගෙවතු වගාව, වත්තේ යම් කිසි වැඩක නිරත වීම යන මේ සියල්ලම ශාරීරික ක්‍රියා කාරකම් වේ. ඒවා කරන වේගය වැඩි කිරීමෙන් වඩා ප්‍රබල ප්‍රතිඵල ලඟා කරගත හැක.
2. රූපවාහිනිය නරඹන අතර තුර ඇවිදීම හෝ සිටගෙන සිටීම, අතින් බර එසවීම, ශරීරය දිග ඇදෙන යෝග ව්‍යායාම කිරීම, ව්‍යායාම බයිසිකල් පැදීම, රූපවාහිනිය චැනල් මාරුකිරීමට දුරස්ථ පාලකය භාවිතා නොකර, තමාම රූපවාහිනී අසලට ගොස් එය කිරීම.
3. නිවස තුලදී ව්‍යායාම් වැඩසටහන් වීඩියෝවක අධාරයෙන් හෝ අන්තර්ජාලය භාවිතා කරමින් ව්‍යායාම් කිරීම.
4.ඔබේ නිවස අසල ප්‍රදේශයේ අවට ඇවිදින්නට යාම, ඒ අවස්ථාවේදී ඔබගේ නිවසේ ඇතිකරන සුනඛ සුරතලාද කැටුව යාමෙන් වඩාත් විනෝදයක් ලැබිය හැක. එමෙන්ම දරුවන් පා ගමනින් ගොස් පාසලට ඇරලවීම හෝ මිතුරකු සමග ඇවිදින්නට යෑම
5. දුරකතන භාවිතා කිරීමේදී සිටගෙන කතා කිරීම
6. ඔබේ නිවසට ව්‍යායාම් උපකරණ කිහිපයක් මිලට ගැනීම. ඇවිදිමට හෝ දිවීමට භාවිතා කරන ධාවන පථයක් ඇති උපකරණ (Tread Mill) හෝ පාද වලින් හා අත් වලින් එකවර චලනය කරන උපකරණ (Elliptical Trainer) වඩා ප්‍රයෝජනවත් වේ. නමුත් සෑම දෙනාටම ඒවා මිලදී ගැනීමට මුදල් හෝ නිවසේ ඉඩකඩ නොමැති වීමට පුලුවන්. අඩු වියදම් යෝගා බෝල, කෘතිම ව්‍යායාම පැදුරු, ව්‍යායාම සඳහා භාවිතා කරන අදින රබර් පටි සහ අතින් බර ඔසවන උපකරණ (Dum Bells) ඔබට ව්‍යායාම කිරීම සඳහා යොදාගැනීමට පුලුවන්.

ඔබ රැකියාව කරන අතර ක්‍රියාකාරීව සිටින්නේ කෙසේද

ශාරීරික ක්‍රියාකාරීත්වය කාර්‍ය බහුල රැකියාවක් තුලට බද්ධ කිරීම අභියෝගාත්මක විය හැකිය. නමුත් මේ සඳහා ඔබට උදවු විය හැකි කරුණු කිහිපයක්:

entrepreneur-593378_640

1.පැයකට වතාවක් වත් අසුනින් නැඟිට ඇවිදීම.
2.දුරකතන සාකච්ඡා වලදී, සිටගෙන එසේ කිරීම.
3.විදුලි සෝපානය වෙනුවට පඩිපෙල භාවිතා කිරීම.
4.ඔබේ විවේක කාලය හෝ දිවා ආහාර කාලය තුල ආයතනය ඇතුලත හෝ ඉන් පිටත ඇවිදීම.
5.ඉලෙක්ට්‍රොනික තැපෑල භාවිතා නොකර, ආයතනය තුල සිටින අය වෙත, අසුනින් නැඟිට ලඟට ගොස් අවශ්‍ය වැඩ කරගැනීම.