ශරීර හැඩය ඔබේ සෞඛ්‍යය ගැන පෙන්නුම් කරන දේවල් - Fitness Adviser - Fitness Articles

ශරීර හැඩය ඔබේ සෞඛ්‍යය ගැන පෙන්නුම් කරන දේවල්

ඔබේ ශරීර හැඩය අනුව ඔබේ සෞඛ්‍යය ගැන තරමක් පැවසිය හැකිය. නමුත් එය එක් සාධකයක් පමණක් බව මතක තබා ගැනීම වැදගත්ය. සියලු හැඩයන්ගෙන් සහ ප්‍රමාණයන්ගෙන් යුත් පුද්ගලයින් සෞඛ්‍යය සම්පන්න විය හැකිය, නැතහොත් හෘද රෝග හෝ දියවැඩියාව වැනි සෞඛ්‍යය ගැටළු වලට ලක්වීමට අවදානමක් ඇතිව සිටිනවා විය හැක. එම නිසා ඔබේ රුධිර පීඩනය, කොලෙස්ටරෝල් මට්ටම සහ අනෙකුත් වෛද්‍ය පරීක්ෂණ  සඳහා ඔබේ වෛද්‍යයවරයා හමුවීම නිතරම කළ යුතුය.

Ectomorph

එක්ටමෝෆ් (Ectomorph) යනුවෙන් වර්ගීකරණය කරන ශරීර පද්ධතියට අයත් වන්නේ පටු උරහිස් රාමුවක්, සිහින් අස්ථි සහ කුඩා සන්ධි ඇති අය වන අතර ඔවුන්ගේ පපුව සහ තට්ටම්ද සමතලා විය හැකිය. බොහෝ දිගු දුර ධාවකයන්, විලාසිතා නිරූපිකාවක් හෝ නර්තන ශිල්පීන්ගේ ශරීර හැඩය ගැන සිතන්න. ඔබ මේ කාණ්ඩයට අයත් නම් ඔබට කෙට්ටු පෙනුමක් ඇති අතර ශරීර බරින් අඩුය. එහෙත් ඔබ වයසට යත්ම ඔබ සිතනවාට වඩා ශරීරය තුල මේදය තැන්පත් වීම වැඩි විය හැකිය. එයට හේතුව ඔබේ ශරීරය ආහාර දිරවීම ක්‍රියාවලිය වේගයෙන් කිරීම නිසා ශරීරය තුල මාංශ පේශි නිර්මාණය වීම දුෂ්කර වීම නිසයි .

Endomorph

මෙම එන්ඩොමෝර්ෆ් (Endomorph) යනුවෙන් වර්ගීකරණය කරන ශරීර පද්ධතියට අයත් වන්නේ ශරීරයේ මේදය හා මාංශ පේශි වැඩියෙන් ඇති කුඩා උරහිස්, කෙටි අත් පා සහ විශාල අස්ථි පංජරයක් ඇති අයයි. බොහෝ රග්බි ක්‍රීඩාවේ  ඉදිරිපෙළ ක්‍රීඩකයන්, යගුලිය විසි කරන්නන් හෝ වක්‍ර හැඩැති සිරුරු ඇති කාන්තාවන් (curvier women) මතකයට නඟාගන්න. ඔබ එවැනි අයෙක් නම් ඔබේ උදරය, උරහිස සහ ඉඟටිය ප්‍රදේශයේ මේදය තැන්පත් වීමත් සීග්‍රයෙන් බර වැඩිවීමත්  සිදුවිය හැකි අතර එසේ තැන්පත් වූ මේදය අඩු කර ගැනීමත් අපහසු විය හැකිය. එයට හේතුව ඔබේ ශරීරය කාබෝහයිඩ්‍රේට් අධික ආහාර (high carb) දහනය කරනවා වෙනුවට ඒවා මේදය ලෙස ශරීරය තුළ ගබඩා කිරීමට යොමුවන නිසාය.

මෙසොමෝර්ෆ්

මෙම මෙසොමෝර්ෆ් (Mesomorph)  යනුවෙන් වර්ගීකරණය කරන ශරීර පද්ධතියට අයත් වන්නේ, පුළුල් උරහිස් සහ අඩු ශරීර මේද ප්‍රමාණයක්  සහිත ශක්තිමත් සිරුරක් ඇති අයයි. බොහෝ කෙටිදුර ධාවකයන් හෝ පාපන්දු ක්‍රීඩකයන් මතකට නඟාගන්න. ඔබත් මෙම කාණ්ඩයට අයත් වනවා නම් ශරීර බර අඩු කර ගැනීම සහ ශරීර බර වැඩි කර ගැනීම පහසුවෙන් කළ හැකි නිසා, ඔබේ ශරීර වර්ගය කාය වර්ධන වැනි මාංශ පේශි ගොඩනැගීමේ ක්‍රියාකාරකම් වලට හොඳින් ගැලපේ.

පෙයාර් හැඩය

මෙම ශරීර හැඩය ඇති කාණ්ඩයට  අයත්වන්නේ ඒකාබද්ධ වූ සිහින් එක්ටමෝෆ් (ectomorph) ඉහළ සිරුරක් හා එන්ඩොමෝර්ෆ් (Endomorph) පහළ ශරීරයක් ඇති අයයි. මෙම හැඩය ඇති පුද්ගලයින්ට උකුල් හා කලවා ප්‍රදේශයේ අමතර මේද ප්‍රමාණයක් ඇත. මෙම ශරීර හැඩය කාන්තාවන් අතර බහුලව දක්නට ලැබෙන අතර, ඔවුන් බොහෝ විට පිරිමින්ට වඩා දිගු කාලයක් ජීවත් වීමට හේතුව එය විය හැකිය. එයට හේතුව පිරිමින් අතර බහුලව දක්නට ලැබෙන උදරයේ මේදය තැන්පත්වීම බොහෝ සෞඛ්‍යය ගැටලු සමඟ සම්බන්ධ වීමයි. එක් අධ්‍යයනයකින් හෙළි වූයේ උකුල් වල සහ කලවා වල මේදය තැන්පත්ව ඇති අය සමහර රෝග සඳහා අඩු අවදානමක් ඇති අය බවයි.

ඇපල් හැඩය

බියර් බඩලෙසද හැඳින්වෙන මෙම ශරීර කාණ්ඩයට අයත් වන අයගේ උදරය වටා මේදය වැඩි ප්‍රමාණයක් ගබඩා වී ඇති අතර ඔවුන්ගේ පහළ සිරුර සිහින්ව පවතී. එය පිරිමින් අතර බහුලව දක්නට ලැබෙන අතර එය පෙයාර් හැඩයට වඩා සෞඛ්‍යයට අහිතකර . එයට හේතුව උදරයේ මේදය තිබීම ශරීරය අභ්‍යන්තරයේ  ඇති අවයව වටා මේදය ගැඹුරින් තැන්පත් වී ඇති බවට සලකුණකි. මේ ශරීර කාණ්ඩයට අයත් අය අතර හෘද රෝග, පිළිකා, දෙවන වර්ගයේ දියවැඩියාව සහ අධික කොලෙස්ටරෝල් වැනි රෝග බහුලව ඇත.

ශරීර ස්කන්ධ දර්ශකය (BMI)

වෛද්‍යයවරුඔබ කෙතරම් සෞඛ්‍යය සම්පන්නදැයි දැන ගැනීමට, ශරීර හැඩය මත පමණක් රඳා නොසිටිති. ඔබේ ශරීරයේ මේදය කොපමණ දැයි මැනීමට ඔවුන් මෙවලම් කිහිපයක් භාවිතා කරන අතර BMI යනු ඒවායින් එකකි. එය ඔබගේ උස හා ශරීර බර අනුව ගණනය කළ අංකයකි. ඔබට ලකුණු 25 ක් හෝ ඊට වැඩි ගණනක්  ලැබී ඇතිනම් එයින් පෙන්නු කරන්නේ ඔබ ශරීර බරින් වැඩි අයෙකු බවයි. ලකුණු 30 ක් හෝ ඊට වැඩි ගණනක් ලැබුණේ නම් ඔබ තරබාරු අයෙකි. නමුත් BMI අගය ශරීරයේ මේදය කෙලින්ම මනින්නේ නැති අතර, ඔබේ ශරීරයේ මේදය තැන්පත්ව ඇත්තේ කොතැනදැයි හෙළි නොකරයි.

ඉණේ ප්‍රමාණය 

ඔබේ උදරය වටා මේදය කොපමණ ප්‍රමාණයක් තිබේද යන්න මැනීමට මෙය සරල ක්‍රමයකි. එමඟින් හෘද රෝග සහ දෙවන වර්ගයේ දියවැඩියාව වැනි සෞඛ්‍යය ගැටලු සඳහා ඔබට ඇති අවදානම උපකල්පනය කළ හැකිය. ඉණ ප්‍රමාණය පරීක්ෂා කිරීම සඳහා, ඔබේ බුරිය උඩින් උදරය වටා මිනුම් පටියකින් මැණ බලන්න. කාන්තාවන් සඳහා ඉණ ප්‍රමාණය අඟල් 35 ක් හෝ ඊට වැඩි නම් උදරයේ මේදය වැඩියි. පිරිමින් සඳහා අවමය අඟල් 40 කි. ඔබට ඉතා විශාල ප්‍රමාණයේ  ශරීරයක් තිබේ නම් මෙම සංඛ්‍යාව තරමක් වෙනස් විය හැකිය.

ඉණ සහ උකුල අතර අනුපාතය

මෙය සිරුරේ මැද කොටස වටා ඇති මේදය මැනීමට තවත් ක්‍රමයකි. ඔබේ ඉණේ ප්‍රමාණය මැන එම අගය ඔබේ උකුලේ පළලම ස්ථානයේ  අගයෙන් බෙදන්න. කාන්තාවන් සඳහා 0.85 වඩා වැඩි නම් හෝ පිරිමින් සඳහා 0.9 ක් නම් සෞඛ්‍යය ගැටලු සඳහා ඔබට අවදානම වැඩියි. මෙම මිනුම ඔබේ ඉණ ප්‍රමාණයට  වඩා හොඳ මිනුමක්ද? පර්යේෂණය පැහැදිලි නැත. නමුත් බොහෝ අධ්‍යයනවලින්  පෙනී යන්නේ මේ මිනුම් දෙකම සෞඛ්‍යය අවදානම් පුරෝකථනය කිරීම සඳහා හොඳ බවයි.

විශාල කලවා, වඩා හොඳ සෞඛ්‍යයමය ලක්ෂණයක් ?

විද්‍යාඥයන් අවුරුදු 12 කට වැඩි කාලයක් වැඩිහිටියන් 3,000 ක් පමණ අධ්‍යයනය කළ අතර කලවේ වට ප්‍රමාණය අඟල් 24 1/2 වඩා අඩු වූ අයට හෘද රෝග හා  වෙනත් සෞඛ්‍යය ගැටලු ඇති බව සොයා ගන්නා ලදී. කලවා කුඩා වීමත් සමඟ සෞඛ්‍යය ගැටළු තවත් උග්‍ර බව පෙනී ගොස් ඇත. කෙසේ වෙතත්, මිනිසුන්ගේ කලවා විශාල වී ඇත්තේ මේදය, මාංශ පේශි හෝ දෙකම නිසා දැයි අධ්‍යනයයන්ගෙන් සොයාගෙන නැත. එබැවින් විශාල කලවා, වඩා හොඳ සෞඛ්‍යයමය ලක්ෂණයක් යයි කීමට අපහසුය.

බාහු බලයෙන් සන්නද්ධ වන්න 

වයස අවුරුදු 60 ත් 79 ත් අතර පිරිමින් 4,000 ක් ඔවුන්ගේ ශරීර සංයුතිය හඳුනා ගැනීම සඳහා වෛද්‍යවරුන් විසින් සොයා බැලූ විට, සිහින් ඉණ සමඟ විශාල බාහු පේශීන් දිගු ආයු කාලයක් සහ යහපත් සෞඛ්‍යයක් පුරෝකථනය කරන බව සමීක්ෂණ ප්‍රතිඵල වලින් පෙනී ගොස් ඇත. එහෙත් විශාල බාහු මාංශ පේශීන් පමණක්ම නොව ශරීරයේ සමස්ථ පේශි පද්ධතියම විශාල වීම පමණක් වුවද සෞඛ්‍යය සම්පන්න බවට හේතුවක් විය හැකිය.

හැඩැති සිරුරක් සඳහා ව්‍යායාම් කරන්න

බොහෝ විට, ඔබේ ශරීර හැඩය ඔබ උපතින්ම ගෙනආ  දෙයකි. නමුත් ඔබේ පෙනුම කුමක් වුවත්, සෞඛ්‍යය සම්පන්නව සිටීමට ඔබට කළ හැකි බොහෝ දේ ඇත. ඔබේ ශරීර බර එකම මට්ටමක පැවතුණ ද, සිරුර තුළ තැන්පත්ව ඇති මේදය ඉවත් කර මාංශ පේශි ගොඩනැගීමට ව්‍යායාම් ඔබට උපකාරී වේ. ඔබේ ශරීර බර අඩු වන්නේ නම්, නිතිපතා ව්‍යායාම් කිරීමෙන් එය වළක්වා ගත හැකිය. සතියේ බොහෝ දිනවල අවම වශයෙන් විනාඩි 30 මධ්‍යස්ථ ව්‍යායාමයක නිරත වීමට උත්සාහ කරන්න. මාංශ පේශි විශාල කරගැනීම (building muscle) හා යෝගී ව්‍යායාම්ද උපකාරී වේ.

සෞඛ්‍යය සම්පන්න ආහාර වේලක් අනුභව කරන්න

ට්‍රාන්ස් මේදය (Trans fats – ගැඹුරු තෙලේ බඳින ආහාර වල ඇති මේදය), පැණිරස ආහාර සහ බෝතල් කල බීම වර්ග උදරයේ මේදය වැඩි කරන බව පෙනේ. එළවළු, පළතුරු සහ කුරුට්ට සහිත ධාන්‍ය වර්ග සහ ඒවායින් තැනූ ආහාර වර්ග  (රතු බත්, කුරක්කන් රොටී සහ කුරක්කන් නූඩ්ල්ස්, පරළු පාන්, ඕට්ස්) අනුභව කරන්න. සම නැති කුකුල් මස්, මාළු, බිත්තර, බෝංචි, කඩල, මුං ඇට සහ අඩු මේද සහිත කිරි වැනි ප්‍රෝටීන වර්ග ඔබේ ආහාරයට එක්කර ගන්න.

මූලාශ්‍රය:- https://www.webmd.com/diet/ss/slideshow-body-shape-health

 

Distributors

Online Shopping Partners